.jpg "مصر العطاء تكرم إيمان البحر درويش لدعمه لاستكمال شراء العلاج الإشعاعي لصالح أورام الصعيد")
قامت لجنة مصر العطاء بمحافظة سوهاج الاثنين الماضي بتكريم الفنان إيمان البحر درويش نظراً لدوره في دعم شراء جهاز تخطيط للعلاج الإشعاعي ثلاثي الأبعاد بقسم الأورام بمستشفي سوهاج الجامعي، وذلك في الحفل التي أقمته اللجنة بديوان عام محافظة سوهاج للتدشين الرسمي لمبادرة "سوهاج العطاء "وقام بتسليمه درع اللجنة الدكتور احمد فوزي نقيب أطباء سوها ج
وشارك في الحفل اللواء عصام العلقامى سكرتير عام المحافظة والدكتور صفا محمود رئيس جامعة سوهاج والدكتور مصطفى عبدالخالق عميد كلية الطب بجامعة سوهاج والدكتور عماد نبيل رئيس قسم الأورام بمستشفى سوهاج الجامعى وأ.د عزة عثمان رئيس قسم الاعلام بكلية آداب سوهاج والمستشار الاعلامى للمحافظة وعدد من القيادات التنفيذية وممثلى النقابات المهنية والمجتمع المدنى ورجال الاعمال والشخصيات العامة والاعلاميين.
وفي كلمته قال ضيف الحفل الفنان ايمان البحر :
في البداية لا أجد من الكلمات ما يعبر عن شكري وامتناني للمنصة الكريمة وهذا الترحيب منهم والحضور الكريم ولكن عندما أقول"لكل عاشق وطن ولكل راحل زاد وكل غربه بتمن ولكل ام ولاد وانتي اللي عشقك دين أغرق تمدي ايدين " أشكر المحافظة متمثلةً في الدولة علي هذه المبادرة الكريمة وان هذا هو واجب الدولة اتجاه اولادها وبالتالي الانتماء للوطن لا يأتي الا عندما يشعر المواطن بمدي حرص الدولة علي تلبية احتياجاته .
وانا اشكرهم جداً ولا أجد من الكلمات ما يعبر عن شكري للمنصة الكريمة علي المبادرة والحضور الكريم اللي جاي علشان يلبي وحضر اليوم.
واسمحولي اقول لكم الصعيد بالنسبة لي ايه سيد درويش لما عمل "محسوبكم داس صبح محتاس" الناس عارفة ان دمها خفيف وكل حاجة بس الناس مبتخدش في بالها ان هذا الرجل والمؤلفين عندما يختاروا هذه المعاني في ظل الاحتلال الانجليزي فالكلام مش دم خفيف بس ان البلد لما تكون واقعة في حرب عالمية زي ما حصل في الثورات بالظبط نفس الوضع اقتصادياً فاللي جاي ياكل عيش في البلد ديه ياخد بعضه ويرجع
فكان بيقول" أمان أمان فين المصر بتاع زمان والمدام فامولاكي والله ياخرلمبو كانت أيام ....فاريج لي كي " يعني العيشة كان حلوة
يجي النوبي اللي عاوز ياكل عيش يقول " تجيه ضربه في عين اللي جابنا من السودان عالمصرو ، المصرو أكله بالهمو ملوهيه طظ في طعمو -اغنية يادنجي دنجي" " ده وضع الناس اللي جاية تاكل عيش ومتلاقيش عيش
شوفوا بقي لما الشيخ سيد يتكلم اختار نموذج من مين من ولاد البلد ….اختار الصعيد ! ليه اختار الصعيد ؟ وشوفوا لما يختار نموذج بهذا الحب الشديد هايقول ايه " هات البازابورت ويا الله بنا يا اسماعيل لا الوقت يفوت هات البازابورت ويا الله بنا يا اسماعيل لا الوقت يفوت غربة إيه دي مصر أولى بنا - اغنية لحن الصعايده" يعني لما تكون الحالة الاقتصادية وحشة ياخدوا بعضهم ويسافروا ؟؟ لا طبعا فقال "بعدها ما بيحلى لنا القوت عهد الله وعهد الأنبيا ما نفوتهاش ولا بالنبوت هى السمكة تفوت الميا؟! ده احنا من غير مصر نموت- اغنية لحن الصعايده" هذا النموذج المحترم مينفعش الواحد يغفله أو ان الصعيد يكون متناسي فعلي الدولة الاهتمام أكتر من كده ولكن الدولة تمر بظروف صعبة جداً والطبيعي ان وقت الأزمات ووقت الشدة تظهر معادن الرجال والنساء .
اللي بيقولوا ان النساء ليها مواقف في الثورات اقولهم لأ.
من أيام ثورة 19 الفنان سيد درويش قال " ياما شفنا م الستات طلعوا وعملوا مظاهرات -اغنية هز الهلال ياسيد" الستات ليها مواقف عظيمة جداً جداً وحتة التفرقة بين الرجال والنساء اقولهم ان الدين لما قال {وللرجال عليهن درجة } ده في الزواج لكن في العمل ...الكفاءة هي المعيار فهناك نساء أفضل من الرجالة بكثير فالكفاءة هتكون هي المعيار ومفيش ان الراجل عاوز ياخد مكان الست والست عاوزة تاخد مكان الراجل الكلام ده مش صحيح
الكفاءة هي اللي هتخلي البلد تعلى لما نحط الانسان المناسب في المكان المناسب الذي يحقق هذا الانجاز أكيد البلد هتعلى ، اختيار الافضل هو اللي هايخلي البلد ده عظيمة ، حتي في الفن فانا شايف ان فيه فنانين لا تليق باسم هذا البلد العظيم .
فالبلد العظيم ده كان للفن فيه مكانه عظيمة شوفوا ام كلثوم لما كانت بتلف الدنيا كلها علشان تلم تبرعات لمصر ، فللاسف هناك نماذج فقدت ولم يكن هناك اهتمام الا بالمادة والتجارة وأصبح الاعلام لا يكرم الفنانين اللي بيهتموا بالقيمة بل اللي بيهتموا بالتجارة والافراج والليالي الملاح والحاجات ده والمجاملات هي التي تحدد قيمة الفنانين.
فطبعا هذه المبادرة انا اعتقد لما قلت "حسبها بالمليم وقولي كيف حالـك ♡ ياراعي كل يتيم منقصش من مالك طبطب عليه واحضنه خبط علي بابه♡جوه العيون سكنه تصبح من أحبابه ♡ ويا رسول الله -موال اليتيم" فالتفرقة بين المسلمين والمسيحيين هذا الكلام مسجل من أيام سيد درويش ويتكلم عن واقع ومش مجاملة للحكومة لا الكلام من ايام سيد درويش اللي مات 1923م هو اللي قال " قوم يا مصري، مصر دايما بتناديك خد بنصري، نصري دين واجب عليك " فيه جزء بيقول " شفت اي بلاد يا مصري في الجمال تيجي زي بلادك اللي ترابها مال نيلها جي السعد منه حلال بلال كل حي يفوز برزقه عيشته عال ، ليه يا مصري كل أحوالك عجب تشكى فقرك وانت ماشى فوق دهب " البلد فيها خير عظيم "مصر جنة طول ما فيها انت يا نيل عمر إبنك لم يعيش أبدا ذليل " ولما نقول " إن كنت صحيح بدك تخدم مصر ام الدنيا وتتقدم لا تقول نصراني ولا مسلم ولا يهودي ياشيخ اتعلم اللى أوطانهم تجمعهم عمر الأديان ماتفرقهم " هذا الكلام مسجل علي اسطوانات من أيام ما قبل اليهود ميخدوا فلسطين قبل 48 فالفن عندما يعبر عن واقع فتأكدوا ان ده هو التاريخ وهي ده الحقيقة
فانا شايف ان التجمع العظيم النهاردة عنده فرصة الصدقة الجارية وان ده هو الباقي وده واجب لاي بني ادم بيحب بلده وبيحب اي واحد من بلده وده شرف ليا اني ابقي موجود معاكم النهاردة .
شاركونا علشان نكمل الحلم ويبقي واقع ..
#شير_في_الخير
اتبرع على حساب رقم 01 / 261363 بنك فيصل الاسلامي
أو اتصل على أرقام 01014404050 ، 01142166399 يصلك مندوبنا
موضوعات ذات صلة:
الفنان ايمان البحر درويش يدعم مبادرة سوهاج العطاء
 |
||
 |
||
 |
||
لا توجد تعليقات
